望道號一遊

昨晚才得知望道号來了，今天最後一天在啟德郵輪碼頭展出，咁近我們家，當然立即去湊下熱鬧了！ 

上年它在尖沙咀展出，人山人海，見到怕怕！今日不同，下雨天，交通安排又差，又無宣傳，勁少人去。

睇下，不用排隊呢!

上船的人少，但落船的人更少，入到去一樣係好多人。

晉彥淨係掛住玩玩具，走來走去同其他三唔識七的男仔打打鬧鬧嘻嘻哈哈，我又怕他走失，人都顛。佢話D書唔啱睇喎!

好在找到本cars的厚厚故事書，他終於定下來了！

之後發現了一系列的交通百科書，他便沉迷了，媽咪可以行開周圍睇，因為佢一沉迷就不會動的。:-D

買完書去同小朋友玩下lego。

影相。

呢几本就係今日收獲了!價錢分別為20元，120元及100元。右面果兩本很厚，算十分抵買，不過重到我隻屐咁，因為我自己一個人帶佢。

回家已急不及待看起來!其中相關船難的几頁，晉彥很沉迷。

我覺得望道號的故事書真係麻麻地，無“老鼠記者”系列，ORT系列又得D好淺的level，又唔齊。好彩D百科書几得，在香港少見，又厚內容又丰富。如果喜歡动物的，選擇頗多。

不過唔計買書，大人10元入場，小朋友免費，當去玩去見識都抵，阿仔好開心！他最近除了車，也愛船。