地膽

今朝阿仔入lift, 見到個穿人字拖的年輕人,
問:「你係咪住15樓架?」哥哥不想理佢。
他又問:「你而家去邊呀?」哥哥終於答:「返工!」(穿人字拖返工?)
阿仔又再問:「你係咪呢度嘅地膽來架?」哥哥勁唔想理佢, 好彩lift門打開咗, 走得。

阿仔一出lift, 見到保安叔叔, 又來了!
他說:「趙生叔叔, 藍田呢度我好熟架, 我係地膽來架!!」

睇來, 阿仔一日唔用幾次「地膽」唔安樂, 因為佢剛剛學識, 好想用。

放學, 媽咪問佢:「地膽的英文係咩?」
他細細聲答了, 很沒信心, 我再三要求他嘗試, 就算不對亦不重要。
於是, 他說: 「地即係floor囉... 膽即係urchin囉。」
媽咪鼓勵他:「很有創意啊!!」

除了大陸人, 還有一個戴新太陽眼鏡唔肯搣招牌的人, 就是我個仔!哈哈!