危機應變訓練

做媽媽的最驚是什麼? 當然係唔見了個仔啦啦! 所以平日一定要做定危機預告, 例如在街上, 在公園, 在車站等等, 唔見了媽咪點算呢? 我一般都係叫個仔, 盡量留在原地等, 媽咪一定會回來找你的, 你走了, 天大地大, 我那裡找你啊!

而求救, 盡量找職員, 店員之類, 不要求其跟人走。晉彥是一個對人信任感很高的小朋友, 經常跟人搭訕, 細個時, 一唔見媽媽就求其拖住個人行, 還跟對方很親熱! 有個咁樣的仔, 媽咪都幾擔心架! 但媽媽又盡量不阻止他跟陌生人說話, 因為這些是社交訓練, 總不能將全位界人都說成壞人來嚇小朋友吧! 一個人經常畏首畏尾, 閃閃縮縮, 不是我想要的孩子特質。

媽咪唯有對自己的要求高一點, 睇實個仔, 跟阿仔一起行街時, 不能玩電話, 不能分心。

這天, 媽媽跟晉彥做了個實驗。假設晉彥上了車, 才發現媽媽留了在月台, 怎麼辦呢?

辨法是在下一站的月台, 同一格車廂等, 媽媽會搭下一班車來找仔仔啊!! 晉彥聽了, 有點緊張。

成功了, 在下一站, 地鐵門打開, 大家相遇了, 而媽媽不是傻的, 當然找來了公公睇住仔仔, 否則真的不見了怎麼辦!! 我叫仔仔幻想公公不在身邊呢, 但你睇下, 佢緊張到扯實公公件衫!! 哈哈!!