環境敏感

前几天和阿仔坐船，阿仔好驚，問我:「如果隻船沉咗點算？係咪死梗?」

我答:「你見唔見前面橙色果D呀？係救生衣，如果隻船沉，我地就即刻穿救生衣，咁就唔會沉，咁我地就等水警來救啦!」

晉彥鬆一口氣，說:「好在水警咁近啫！」

媽咪：「吓？乜水警好近咩?」

大家睇下張相，見唔見到水警？

無錯，藍色建築物就係水警所在啦!

随後晉彥又說了一些英文，我聽不懂，因為當中包含了一個生字：disembark！

我問:「咩係disembark呀?」

他向前看,慢速答:「離船登岸。」

這張相片是坐在當時位置拍的，大家見到「離船登岸」嗎?

行近D就睇到！

不是紅色字，是下面黑色細到好似豆豉果D字，中英對照！

我和爸爸當時大為驚訝，說:「千里eye!」o_O

有日放學，我拿了一包飲品，要晉彥和我行到KFC才有得飲，他勁耍賴，我當然沒理他。去到KFC，他指住呢個牌:

原來平時佢已熟讀餐廳的所有告示，由於呢個牌高，媽媽沒留意，也不見他特別去睇過，但他原來全記住了!

奇怪，男孩平常好像不守規則，但對所有告示形式，白紙黑字的規條，都十分遵守。

我發現我同晉彥完全相反的，去那兒我都不留意環境，只留意身边人。