初學奧數

晉彥上了兩個月小學，上個月在通告袋發現一張奧數比賽的表格，我心想，阿仔都未學過奧數，点同人比賽呀!?於是，側側膊，無理會，將表格掉了!

上星期，又有一張另一奧數比賽的表格出現在通告袋，今次老師寫手冊叫參加，唉!走不掉了！於是問晉彥要不要參加？晉彥答:「參加啦!我地聽日就開始做奧數練習啦!」嘩!巧感動啊!阿仔竟然如此有上進心，始料不及。

反正免費，當係去見識下囉! 既然無學過，輸咗都唔醜啦!

雖則如此，無理由一題都未做過就去比賽㗎! 容乜易以後有心理陰影唔敢去比賽㗎!

於是，買咗以上這本練習。

做了几課，覺得這本練習的編寫真的不錯! 晉彥十分喜歡，甚至主動提出要做下去。 推薦給想和孩子一起學奧數的你。

至於坊間的奧數班要不要報呢?暫時都不會！晉彥媽覺得既然自己不懂，應該找個老師補習，但晉彥爸堅持阿仔要多D休息及留白，身體健康最重要，暫時未能說服他。