Placebo提升專注力

上星期明珠台有個節目叫“葯到病除？”(The Power of Placebo)。

節目內容係講，葯研人員意外地發現安慰劑(Placebo)竟然有實質作用。例如一批運動員，只給服安慰劑，表現和吃真葯一樣得到提升。初時以為是心理作用的影響，後來再有研究發現，不是心理作用，是真的有用，它騙到大腦，令大腦自己分泌出所需的“葯物”。例如有一個長期需依賴服用多巴胺的柏金遜病人，被換了安慰劑之後，大腦自己分泌出多巴胺，令病人不葯而瘉(因為柏金遜病即是大腦不能正常分泌多巴胺)。

看完那個節目，我心生一計。

阿仔做功課雖然已經十分乖，但我想佢再專注一點，快一點，那便可以多點時間休息或看書。

於是我打算找一些糖果當成Placebo，老公說:「我地個仔識字㗎!你咁易厄到佢咩!」我想，又係噃，佢唔止識字，而且係葯物通，平時每吃一樣葯都要看說明書，記得清清楚楚，如何才能騙到他呢?

終於，我找到了:

這些什麼DHA，吹水吹到曉飛，又提升專注力，又提高智力視力……平時我才不買，我覺得這些東西吃來無坏的，但難道真的靠他便能提升專注力嗎? 不過Placebo是無須真的有效的，對身體沒害就可以了!

果然，經仔細研讀後，阿仔信哂盒上的說明，於是，每次開始做功課前，就先啪一粒“魚仔Placebo”，阿仔果然一鼓作氣，做功課速度大大提升! 不知是心理作用，還是大腦被騙，分泌出腎上腺素或多巴胺之類。

媽媽還故作驚訝:「原來D魚仔真係有效㗎?!」阿仔告訴我:「真係有效㗎!」媽媽內心暗笑。

除了DHA，還有沒有其他東西可以達到同樣功效呢? 如果你已經日日給小朋友吃魚油丸了，還有其他Placebo嗎?

有，得力素糖。我先播廣告洗阿仔腦:

在 YouTube 上觀看「得力素 ENERGY 能量糖」 - 得力素 ENERGY 能量糖：http://youtu.be/UjlvnqZY7sQ

果然，阿仔信哂D個廣告，一食完就快快手手做哂D功課！讚!

已試行了一星期，現時仍然有效。記住，父母自己信埋一份，全家人都要信的樣子啊!