高筋香橙蛋糕(早餐推介)

99同老公都叫我唔好整香橙蛋糕，話無可能好味得過檸檬，因為檸檬香好多喎!

結果我忍不住好奇，都係整咗，喂！唔差喎! 係無檸檬咁香，但都好有橙味，雪一晚隔夜，香味更特出! 而且橙比檸檬甜，可以落少D糖。

於是，好奇的我又整咗個兩溝的，一隻橙加一隻檸檬，又ok喎!

檸檬味係會搶鏡D。

因為家中無低筋麵粉，所以用了高筋麵粉來做，D食譜永遠話做蛋糕要用低筋粉，我覺得揾笨囉!

無論用咩筋，做出來都好鬆軟美味，只要蛋白打得靚，蛋糕一定靚。

分別係，低筋粉做出來的蛋糕好輕身，食完好似食風咁，一陣就肚餓。而中筋及高筋做出來的很飽肚，個蛋糕很重稱。

由於飽肚，可以當早餐吃，一件蛋糕一杯奶，有蛋有奶有澱粉，營養齊哂，而且食得快，對早上趕出門又吃得慢的小朋友來說，是一個快靚正的早餐。如果有時間吃埋水果就更perfect了!

噢!忘了，呢款蛋糕有埋水果啦!哈哈！