時間管理

做全職家庭主婦，最重要的一個課題是時間管理。

你的老闆是你老公，如果他性格容易話謂，俾你食住，你真係可以說無王管。無人去督促你，無人教你，無人監管你。懶懶閑過一日又得，好努力教仔又得，小朋友食少D，睡少D，學少D，無人知，如果上了小學成績不好，無人会怪佢父母，只會怪佢自己天資差。(不過禮貌不好的話，人人都會怪佢阿媽，哈哈)

晉彥媽發現時間成日都唔夠用，點解人地D小朋友好似全能咁，又運動，又上好多興趣班，又學琴… 思考了一大輪，終於得出結論，原來晉彥十分早睡! 他8時多上床，早上7時起床。

還有，他似乎需要很多個人空間，他要自己看書，畫畫，玩玩具，砌積木。他會爭取自由時間，每做完一樣野就問有無自由時間。

於是，放學後，扣除所有食飯冲涼，去公園一個小時等，所餘無幾。如果那天要上興趣班，成日時間都好緊。回家還要做学校功課。好在這間學校無乜功課。

七除8扣，餘下時間，要做數學及英文，抄琴譜，練琴，大小肌肉活動…

結果唔夠時間，日日做少了一兩樣，唉!

最近方法是，將練習撕開，夾上公文數，英，在練習則寫上練手指，練拍波，練…提醒自己。

不過再忙都不扣減睡眠時間，原來，我們最重視的是健康!