學校花市活動

學校每年都舉行花市活動，非常熱鬧!

今年媽咪參加做義工，雖然只做了半日，但原來好忙，做完散哂!

義工要鬼咁早返去報到，搞到阿仔等到打呵欠！

活動多，小食多，D小朋友玩到跌哂D私人物品，所以設有失物認領處!哈哈

是日小朋友舞獅的鼓聲非常專業，我一看，點解咁熟口面?原來係大學時期參加舞獅隊的大師兄!但晉彥媽怕認錯人，問道:「你係咪風師兄呀?」

風師兄答:「係呀!你係…??」

彥媽:「我在大學時參加過醒獅㗎!」

風:「你邊屆㗎?」

彥媽:「勤師兄果屆呀!」

風:「嘩!果屆…好耐囉喎!!」

彥媽:「…-_-  …咁你即係爆我年齡秘密啫!」

風:「我個樣同以前係咪一樣?」

彥媽:「一模一樣！！」

風:「咁即係我以前個樣老餅…」

原來我地的小朋友讀同一幼稚園，今日師兄都係家長義工，負責打鼓。