數學比賽

今日又去咗玩數學比賽，今次不是奥數，是一般數學比賽，心想奧數咁深就話要做下passpaper先敢去啫，一般數，學校成日計，唔使準備啦! 

點知一個比賽仔啫，出到鬼咁深，小一啫，出了好多題乘除，連四則混合都有。我仔都未開始學除數。阿仔話份卷的內容應該係小三、小四的，說時氣鼓鼓的，樣子十分可愛！晉彥的反應尚好，聽說有小朋友因為不會做，哭了出來！

媽咪無預計會咁深，但又沒有很出奇，因為數學呢科最易谷，好多學生在enopi和kumon都去到乘除題了!

晉彥媽之所以要晉彥去數學比賽，是因為在網上看過一篇文章，說學數要經常參加比賽，才能提升“精益求精”的動力。我覺得男仔好勝心強，天生愛鬥叻，所以要參加多D。另外，多點接觸困難的題目，可令小朋友習慣面對挫折。

今次總算是一個見識！

今年參加了三場奧數賽，晉彥僥倖獲得兩銀一銅的豬肉獎。媽媽已經十分滿意！希望下年攞到金獎(都係豬肉獎，哈哈)啦!